دنياي

دنياي المارحمت بحالي
ويحزني بجواي..
اعد واحسب هموم
ولني دوم غلطان
بحسابي من اسمع
الناي

يعزف بروحي لحن..
بجاي
على صوت الناي تون
رنتي وتشل اعضاي

ونيت...ونيت. منك
يازمن وشكد حكمك
على شخصي قاسي
ياما فقدت بسببك
اعزناسي منهم
والدي تاج راسي
ومنهم اعزوغلى
حبيباتي وغيرهم
چثير من ناسي
ما شفت منهم غير
عذاباتي وخلص
عمري ويا المآسي

دنياي مار حمت بحالي..
وباجي
تراني بكل الاحوال
لافرحة وضحكة
إذا ما تنختم برگصة
أدموعي على خدودي
وأضل اشكي حالي
لليالي وشكد عانيت
منك ياهالناي
يالمرجف كل اعضاي..
رگصتني بحزن وبجيتني
بلوعة المشتاق لضحكه
يصفى بيها لساعة بالي



ظليت اون ومنو يسمع
أنيني تره الروح ماظل
حيل بيها لحمل جروح..
جروحي بجت عليها كل
الخلايك وأنت شايف قليل
من جروحي أهز الدنيا
لو ردت بيهن امشي
واصرخ هاكم شوفوا
جروحي..

جروحي من اعز صديق
مايوم فرحني من وكعت
ماصاح اسم الله عليك
ياصديقي ...

صديقي ياصديقي
صديقي من كان
الطيب معروفي
ياصديقي معرفتك
تجازي بنكران
معروفي مو كنت
سند ظهرك لوانحنى
ونداس معروفي
معروفي يوم ألشلتك
من طحت بجفوفي

أذا ناسي معروفي
فموغريبة عليج
ياروحي لااول
ولااخر من نساج
ومشى وكبر على
ماي جفوفي

جفوفي ترجف لو
يجي طاري الغدر
والغدر ممنوع
بحروفي .
.قاموسي الطيب
والزيين على ناسي
معروفي
بس للاسف كلمن
عاشرني نكر زادي
وخلاني اون وحيد
بدنيتي
وهاي قليل من اجروحي